BO'LAJAK MUTAXASSISLARNI AMALIY O'QITISH ASOSIDA DIZAYNERLIK FAOLIYATI: Monografiya

Monografiyada bo'lajak mutaxassislarni amaliy o'qitish asosida dizaynerlik faoliyatiga tayyorlashning ilmiy-nazariy asoslari va bo'lajak mutaxassislarni amaliy o'qitish asosida dizaynerlik faoliyatiga tayyorlash metodikasi takomillashtirilgan. Xorijiy pedagog tajribalarga ko'ra, bo'lajak pedagoglarning kasbiy va shaxsiy mahoratini oshirishda tizimli, faoliyatli va kompetentli yondashuvlarni amalga tatbiq qilishga e'tiborni kuchaytirish, xususan, malaka talablarining muhim tarkibiy qismi sifatida talabalarning amaliy faoliyatga tayyorligini rivojlantirish muhim hisoblanadi. Bo'lajak mutaxassislarni tayyorlashda mutaxassislik fanlarining o'rni juda katta. Shunga ko'ra, mutaxassislarni tayyorlashda ilmiy asoslangan, alohida texnologik loyihalardan tuziladigan, algoritmik, ma'lum natijani kafolatlaydigan, qo'yilgan maqsadlarga diagnostik yo'naltirilgan ta'limiy jarayonlar bilan takomillashtirishni texnologiyalashtirish masalasi dolzarb ahamiyat kasb etadi.