KONSEPTUAL METAFORA VA MIFOPOETIK TAFAKKUR: JEYN OSTIN ROMANLARI TAHLILI MISOLIDA(MONOGRAFIYA)

Ushbu monografiyada zamonaviy tilshunoslikda metafora tadqiqining nazariy va metodologik asoslari tahlil qilinadi. Tadqiqotda metaforaning lingvistik va lingvopoetik tavsifi berilib, ingliz tilshunosligida metafora turlari va tasnifiga oid yondashuvlar ko'rib chiqiladi. Shuningdek, metafora va mifning o'zaro aloqadorligi hamda mifopoetik tafakkur bilan bog'liqligi ochib beriladi. Badiiy matn misolida, xususan Jeyn Ostin romanlarida metaforaning funksional ahamiyati tahlil qilinadi. Jeyn Ostin asarlarida kamtarlik va raqs kabi konseptual metaforalar obraz yaratish, muallif qarashlarini ifodalash va jamiyatga xos axloqiy qadriyatlarni yoritishda asosiy vosita sifatida xizmat qilishi ko'rsatib beriladi. Tadqiqot natijalari metaforani nafaqat stilistik, balki konseptual va madaniy hodisa sifatida o'rganishga hissa qo'shadi hamda ingliz tili va adabiyoti, kognitiv va chog'ishtirma tilshunoslik fanlarini o'qitishda amaliy ahamiyat kasb etadi.