Lugina dhe Ura

Bol

Lugina dhe Ura është një memuar i Albert Zylyftarit, një rrëfim i sinqertë për fëmijërinë, humbjen, mërgimin dhe forcën për të nisur nga e para. I rritur në Luginën e Koziakut-mes ujit të lumit, maleve, dhive të egra, fluturave, fiqve dhe burimeve të freskëta-ai u rrit me ëndrra të mëdha dhe me ndjenjën se bota ishte gjithmonë përtej një kufiri. Por jeta e përplasi herët me realitetin. Në moshën tetë vjeçare u shpërngul, dhe familja humbi tokën e shtëpinë. Pas kësaj, erdhën goditje të tjera: humbja e nënës dhe më vonë e dy vëllezërve, plagë që lanë gjurmë të thella në shpirt.Një aksident i mori dorën dhe e detyroi të përballej me një jetë të re, më të vështirë, por jo pa shpresë. Më pas filloi mërgimi: kalime të rrezikshme, refuzime, dëbime dhe net të ftohta mbi gurë. Për gati dhjetë vjet, ai jetoi në pasiguri mes Italisë dhe Francës, duke kërkuar një vend ku të punonte, të merrte frymë i lirë dhe të rindërtonte dinjitetin. Në këtë udhëtim, ai mëson se njeriu mund të humbasë shumë gjëra, por jo vullnetin për të vazhduar.Ky libër është një dëshmi për identitetin, familjen, besimin dhe guximin për të gjetur dritën edhe kur rruga duket e errët. Lugina dhe Ura i fton lexuesit të ecin me autorin nga kujtimet e fëmijërisë deri te një fillim i ri në Shtetet e Bashkuara, ku ai gjen paqe, dashuri dhe një jetë të ndërtuar me punë e durim.

Amazon

Pagina's: 168, Paperback, Albert Zylyftari