Oos Kaap Omnibus 2: Water Reeks

OOS KAAP WATER REEKS - OMNIBUS 2 STORMWATER Lizzie Louw is geen gewone vrou nie. Met die see in haar bloed en 'n wil van haar eie kruis haar pad met dié van die skeepsbouer Arno Geldenhuys. Tussen skepe, gevaar en 'n liefde wat nie volgens enige reëls wil leef nie, begin 'n verhaal waarvan die spore nog geslagte lank deur die Geldenhuys-familie sal loop. KEERWATER Francine Petit beland waar sy nooit bedoel het om te wees nie-en in die lewe van Louwrens Geldenhuys. Ná verlies, skuld en 'n pad wat haar terug na Morelig bring, moet Francine besluit of 'n mens werklik weer kan begin. Want soms keer die lewe jou terug na presies die plek waar jou hart nog altyd behoort het. SOETWATER Stefanie Geldenhuys is lig, warmte en lewe. Theodorus Totius is 'n man van planne, lyne en presisie. Wanneer die spontane jong vrou haarself stadig maar seker tussen die argitek se sorgvuldig beplande lyne bevind, ontdek Theo dat die mooiste dinge in die lewe nie altyd vooraf ontwerp kan word nie. Soms begin 'n liefdesverklaring nie met Ek is lief vir jou nie... maar met 'n huis wat nog gebou moet word. TROEBELWATER Nikki en Erhard Geldenhuys was eens onafskeidbaar. Toe kom 'n oorlog, 'n huwelik, verlies en vier lange jare waarin alles verander. Wanneer Erhard uiteindelik huis toe keer, is hulle nie meer die mense wat hulle eens was nie. Tussen vier appelbome, 'n klein wit steentjie en 'n telegram wat jare te laat gevind word, moet twee gebroke harte leer dat liefde ná verlies nie dieselfde hoef te wees om steeds mooi te wees nie. Oos Kaap Water Reeks is vier volledige romanse oor liefde wat storm, terugkeer, versoet en soms troebel word-maar deur elke geslag bly vloei. Vier storms... Een hart. Geskryf deur Die Tannie In Die Kantoor