"Quruq ko'z" sindromi etiologiyasi va modellashtirish USULLARI: Ushbu uslubiy qo'llanmada uni usullari haqida ma'lumotlar berilgan

Atrof-muhitning ifloslanishi, undagi turli mayda yot jismlar, xususan, chang miqdorining ortishi, turli oftalmologik jarrohlik amaliyotlarining o'tkazilishi, kosmetik vositalarning xilma-xilligi va miqdor jihatdan ko'p foydalanishi ko'z kasalliklarining aholi orasida keng tarqalishiga sabab bo'ladi. Bu kasalliklarning boshlanishi ko'zda quruqlashish, qizarish, "yot jism" hissining paydo bo'lishi kabi alomatlar bilan kelib chiquvchi "Quruq ko'z" sindromi hisoblanadi. Sindromning e'tibor qaratadigan jihati shuki, inson kasallik rivojlanayotganini o'zi sezmaydi, birdan namoyon bo'lmaydi, aholi orasida yosh va jins tanlamaydi, asorati esa turli og'ir ko'z kasalliklariga, hatto ko'rlikkacha olib keladi. Ushbu uslubiy qo'llanmada mazkur sindrom etiologiyasi va etiopatogenezi, shu jumladan, laboratoriya sharoitida klinik oldi tadqiqotlar uchun tez va aniq modellashtirish usullari haqida olimlar tomonidan ilmiy asoslangan bilimlar o'rganilib, jamlangan. Uslubiy qo'llanma tibbiyot va farmatsevtika sohasida faoliyat olib borayotgan OTM talabalari uchun mo'ljallangan.